صباح الخير علي بلادي

 ايمن طه يكتب : صباح الخير على بلادي

صباح الخير صباح الخير على بلادى فى عهد الثورة والحرية

صباح الخير لام بطبطب على ولادها بحنية

 صباح الخير فى المطعم بطبق الفول والطعمية

 صباح الخير على القهوة بشاى وحليب الصبحية

 صباح الخير والكل صاحى يدندن بالاغانى الوطنية

 صباح الخير فى النكتة بخفة الدم المصرية

 صباح الخيربعد ما جورج قرا فى انجيله شوية

 صباح الخير لما احمد صلى الصبح وشال المصلية

 صباح الخير على الصحراء لما بترويها الماية

 صباح الخير جوة القرية المطرة تصحى الزراعية

 صباح الخير لما الشمس تدفى فى وقت الشتوية

 صباح الخير لتلاميذ قدام العلم بتدى التحية

 صباح الخير للجامعة فى دفعة تخرج للحياة العملية

 صباح الخير على شعبك اللى قال للدنيا مصر اهية

بكار بكار بكار

بكار    بكار    بكار 
 كابتن طيار يا سرقنا  - ونهبنا ليل ونهار
 خنقنا فى الحكم باستمرا
 بكار   بكار   بكار
 يا بو كف كبير وبيسرق ونهبنا باستمرار
 تلاتين سنة بتسرقنا طب تشبع امتى امال
 اسمك دلوقتى حرامى وسابقا كنت طيار  طيار  طيار
 شعب بلادك بيلعن اليوم اللى شفوك
 بعت رسالة لجمال مصر بتدعى على ابوك
 سجن طرة مستنى بتروح مستشفى ليه
 مش تقعد ويا عيالك امال لزمتك ايه
 والست سوزان طب فنها سقعانة ولا ايه
 القراءة للجميع سبتهلنا وخدت دولار وجنية
 النائب العام مستنى تشرف يا حسنى بيه
 ومن اين لك هذا هتجوب تقولة ايه ده تحويشى من زمان لما كنت شغال طيار   طيار  طيار
 هات ايدك جنب ولادك طره هينور بيك
 وبقيت الشلة جوه والصحبة اخرها اية
 يا ريتك ترد علينا اللى حصل كان ليه
 كنت رئيسنا بس حرامى والحرامى بيجراله ايه
 يا رتك مت بقمتك وكفاية انك كنت فى جشنا  طيار  طيار  طيار
 ده قصة بس جميلة بنقولها للمعاك
 الى يفكر يسرقنا فى طره سكنه هناك
 ان لواء ولا وزير ولا ابن مين ولا مين
 مش هيجى اعز من بلدى الى تقدر البنى ادمين
 وسلام بقى يا صاحبى يالى كنت زمان طيار   طيار  طيار

خبر عاجل

بقلم : أيمن طه

خبر عاجل اومش عاجل  هية هية                               مارست اسرائيل تمرناتها اليومية
         
وقتلت فى غزة 100 او 200 قول 300                        وبردوه زيهم فى الضفة الغربية

والناس على القهاوى بتتفرج زى ما هى                        يضربوا كف بكف وبعدها تنهيدة قوية
 
عديت قلتلهم السلام قالوا لى متقلش الكلمة ديه                  انا خفت قلت ده مش طلب ده تحية

مسكنى واحد منهم وقالى انسى السكة دية                       لا تروح فى س و ج  ويتعملك قضية

سيبك من السلام وقول هاللوا ده اللغة العالمية                  زعلت منهم وبعدت عنهم و كلمت نفسى شوية
 
     سمعت الله اكبر والحمد لله وصرخة 100-100              قلت انتصرنا على اسرائيل بالسرعة ديه

والعرب اتحدوا وقضينا على الصهيونية                       جريت اوام تانى للقهوة اركز فى الفضائية

         لقيت خبر عاجل فى وسط افراح مداويه                       ماشستر كسب برشلونة ووصل للمباراة النهائية

زعلت عليكى يا غزة  وقلت فين القضية                      طلع  جواناالعيب ونسينا الانسانية

                                                 يعنى الخبر عاجل او  مش عاجل  هى هى

ملحقوش ياخدو الباقي

ملحاوش يخدوا الباقى   لو كانوا خدوا نص مصر وملحاوش ياخدوا الباقى ده الحرامى بالحرام بيفنى ملحاوش يخدوا الباقى   لو كانوا خدوا نص مصر وملحاوش ياخدوا الباقى ده الحرامى بالحرام بيفنى وخيرك هو اللى باقى شايف الاهرام على ارضك ثابتة واللى بناها مش باقى وولادك بنوا لك السد وماتوا وهو شغال وباقى حرب اكتوبر وخلصت وتاريخ النصر هو اللى باقى وظهر اللى عايش معانا بينهب مشبعش ومستنى الباقى وشايفة شبابك للخيانة واقفة عملوا كتير ولسه الباقى واتغدر بيهم فى حضنك واستحملوا الضرب وانت عارفة الباقى اتقال عليكى كلام وطمع فيكى الفسدان وعرفنا حققته ومعاها الباقى وادى كل يوم للخونة بيزيد واحد ممنوع م السفر ولسه الباقى وفخور انى صحيت العرب ليبيا والجزائر  والله اعلم بالباقى شوفى النيل لسه بيمشى يروى ارضك مخلصش فى منها وباقى وخيرك هو اللى باقى شايف الاهرام على ارضك ثابتة واللى بناها مش باقى وولادك بنوا لك السد وماتوا وهو شغال وباقى حرب اكتوبر وخلصت وتاريخ النصر هو اللى باقى وظهر اللى عايش معانا بينهب مشبعش ومستنى الباقى وشايفة شبابك للخيانة واقفة عملوا كتير ولسه الباقى واتغدر بيهم فى حضنك واستحملوا الضرب وانت عارفة الباقى اتقال عليكى كلام وطمع فيكى الفسدان وعرفنا حققته ومعاها الباقى وادى كل يوم للخونة بيزيد واحد ممنوع م السفر ولسه الباقى وفخور انى صحيت العرب ليبيا والجزائر  والله اعلم بالباقى شوفى النيل لسه بيمشى يروى ارضك مخلصش فى منها وباقى

ملحاوش يخدوا الباقى   لو كانوا خدوا نص مصر وملحاوش ياخدوا الباقى ده الحرامى بالحرام بيفنى وخيرك هو اللى باقى شايف الاهرام على ارضك ثابتة واللى بناها مش باقى وولادك بنوا لك السد وماتوا وهو شغال وباقى حرب اكتوبر وخلصت وتاريخ النصر هو اللى باقى وظهر اللى عايش معانا بينهب مشبعش ومستنى الباقى وشايفة شبابك للخيانة واقفة عملوا كتير ولسه الباقى واتغدر بيهم فى حضنك واستحملوا الضرب وانت عارفة الباقى اتقال عليكى كلام وطمع فيكى الفسدان وعرفنا حققته ومعاها الباقى وادى كل يوم للخونة بيزيد واحد ممنوع م السفر ولسه الباقى وفخور انى صحيت العرب ليبيا والجزائر  والله اعلم بالباقى شوفى النيل لسه بيمشى يروى ارضك مخلصش فى منها وباقى

ملحاوش يخدوا الباقى   لو كانوا خدوا نص مصر وملحاوش ياخدوا الباقى ده الحرامى بالحرام بيفنى وخيرك هو اللى باقى شايف الاهرام على ارضك ثابتة واللى بناها مش باقى وولادك بنوا لك السد وماتوا وهو شغال وباقى حرب اكتوبر وخلصت وتاريخ النصر هو اللى باقى وظهر اللى عايش معانا بينهب مشبعش ومستنى الباقى وشايفة شبابك للخيانة واقفة عملوا كتير ولسه الباقى واتغدر بيهم فى حضنك واستحملوا الضرب وانت عارفة الباقى اتقال عليكى كلام وطمع فيكى الفسدان وعرفنا حققته ومعاها الباقى وادى كل يوم للخونة بيزيد واحد ممنوع م السفر ولسه الباقى وفخور انى صحيت العرب ليبيا والجزائر  والله اعلم بالباقى شوفى النيل لسه بيمشى يروى ارضك مخلصش فى منها وباقى

مين دخل دول فى حضنى

مصر يا حببتى ممكن اقولك ان احنا محسودين

عشان حب العمر ح يضيع منى فى غمضة عين

فاكرة لما كنت بمسك ترابك فى ايدى تقوليلى وبعدين

وجيت اهديلك وردة فى شطك قولتى لى الناس واقفين

وفردت ايدى احضن شمسك ورمسيس شفنا متلبسين

ورحت اتقدمت لك وابو الهول وخوفو موجودين

وعلى نيلك قبلنا بعض بالفرحة ولبسنا الدبلتين

ولا لما قلقتى علية فى سنة 73

ورجعت لك بالنصر ومسكتى ايدى وعلى القناة قمنا متمشين

وحبك بيزيد فى القلب وعشنا مع بعض احلى سنين

وبنينا فى ارضك وطن يحضن ولادك المصريين

لية بتحرجينى دلوقتى وتسالينى وسط القاعدين

مين دخل دول فى حضنى انا عمرى ماربيت خاينين

حقك علينا كلنا يا مصر يا حببتى واحنا اللى غلطانين

علشان الخاينين وسطنا قعدوا واحنا مش عارفين

وقالوا لنا مصر امانة فى رقبتنا وحلفوا ادمنا اليمين

ده غلطة فى زمان الغفلة بس خلاص بقينا صاحيين

والايام خلاص عرفتنا مين ولادك بالصدق ومين الكذابين

الحلقات الكوميدية...منحوس...الحلقة الثانية...منحوس اتولد نشر في 29/03/2011 قصة وسيناريو وحوار: ايمن طه النجفة تقع على راس ؟؟ فلة فاتسقطها على الارض--ريحان ينظراليها مذهول - وينظر لغرفة وردة - وهو يسمع بكاء طفل ريحان : يا خبر اسود ده اية اليوم ده حماتى يا حماتى ردى علية مش عارف اوطى من رجلى حماتى- يارب اعمل ايه بس يسمع صوت امام باب الشقة ........ ريحان : ايوه اللى ع الباب يجى هنا بسرعة يلحقنى شاب يدخل من باب الشقة........ الشاب : ايوه يا عمو ريحان خير فى حاجة اقدر اساعدك فى اى حاجة ريحان ينظر للشاب باستغراب ...... ريحان : انت غبى ياض انت -- ولا مش شايف واحد ادامك رجله مجبسة وعلى الارض واحدة واقعة وفوقها نجفة مدغدغة على دمغها انت اسمك ايه ياض الشاب: انا اسكندر يا عمو- انت على طول ناسينى- اسكندرابن ميخائيل وفوليت اللى فوقكم بس خسارة النجفة دة ريحان : يا بنى شوف الست اللى تحت النجفة ده الاول ياله اسكندر : لا مانا عارفها يا عمو ده الست فلة - يا - ده كانت كل ما تشوفنى نازل ولا طالع تخلينى اجيب لها حاجات - يا - اخيرا - اخيرا هنزل واطلع براحتى ده انا كنت بتسحب على السلم - يا -- ريحان : ايه يا بنى انت جاى تاخد بتارك منها ولا ايه - يا بنى شيل الست - صحيح يا محمد هو البيت كان بيقع ولا انا بيتهيا لى اسكندر : يا عمو انا اسمى اسكندر - وبعدين ده هزة ارضية - عادى يعنى- على العموم انا ح اطلع انده ماما وبابا واجى ريحان : تنده ماما وبابا وتيجى - يا بنى انا بعزمك على عيد ميلاد - ياض شيل الست اللى مرميه ده اسكندر : اصل بصراحة خايف يا عمو ريحان ريحان : لا يا حسن متخافش- ان شاء الله خير- وح تبقى كويسة وتقوم ان شاء الله اسكندر : ما نا عشان كده خايف يا عمو - وبعدين انا اسكندر-- اسمى اسكندر ريحان يسمع بكاء الطفل مرة اخرى فيتوتر ...... ريحان : طب بسرعة ابعت امك يا ابراهيم بس بسرعة يرد اسكندر وهو مذهول ويخرج مسرعا من باب الشقة ...... اسكندر: حاضر يا عمو بس انا اسكندر - اسكندر - اسكندر ريحان لا يزال ساندا على الترابيزة لا يستطيع الحركة وينظر لفلة على الارض ولغرفة وردة ريحان : يا ترى يا وردة فى ايه بس جرالك ايه انا خلاص هموت حاسس انى عاجز ثما ينظر وهو حزين فيجد المفاتيح ...... ريحان : يا خبر اسود الخزنة بيتى هيتخرب تدخل ام اسكندر من باب الشقة ...... فوليت : خير يا استاذ ريحان ده انا اول ما الواد سمير ابنى قالى نزلت اجرى- وكلمت الدكتور وزمانه جاى - بس خير فى ايه - فى حاجة اقدر اساعدك فيها -اصل الواد قلقنى ريحان يضرب كف بكف ...... ريحان : اسمه اسكندر- اسكندر - اسكندر - يا ستى شوفى اللى ع الارض واللى جوه فوليت : يا - الست فلة ع الارض يا- ده موريانى الويل انا والواد فى الطالعة والنازلة زلتنا - يا - يا - حكمنك يا رب ريحان : ايه يا عالم ده ايه فرقة المظلات اللى نازلة تشمت ده - يا ستى فى واحدة بتموت اهى وواحدة بتولد جوه فوليت : وواحد مجبس برة هاهاها ريحان : يا ست ام عبده الحقينى - ورده جوة طب خشى شفيها الاول فوليت : عبده مين - وسمير مين - اسمه اسكندر - اسكندر - اسكندر يدخل الدكتور ويقف على باب الشقة ....... الدكتور: يا ساتر - يا مسهل فوليت :اتفضل يا دكتور بسرعة اتفضل الدكتور ينظرالى فلة على الارض ويمسك يدها ..... الدكتور : يا ستار- يا لا مفيش نصيب- خسارة لسه عايشة فوليت : الحمد لله - طب يالا يا دكتور لحسن فى حالة تانية جوه بسرعة الدكتور يفرح وينهض بسرعة ...... الدكتور : الله الله الله صحيح ربك يقطع من هنا ويوصل من هنا ريحان : طب والست اللى ع الارض ده حتسبها كده الدكتور يفتح الشنطة ويخرج منها شاش وكولونيا ...... الدكتور : ياله كله على الله هنفوقها اهه الدكتور يرش كولونيا على وجة فلة ...... فلة : اه دماغى دماغى بنتى - بنتى فين- وردة فين يا ريحان بنتى فين و تنظر فتجد فوليت ..... فلة : وانت يا فوليت يام اسكندر واخدة 20جنية من امبارح عشان تجيبى لى خضار فين باقتها فوليت : الحمد لله انك بخير يا ست فلة تعالى نشوف وردة اتفضل يا دكتور فلة وفوليت يدخلوا غرفة وردة ...... فلة : وردة يا بنتى ردى على امك فا تجد الطفل ...... فلة : شيلى المولود يا فوليت ايدى مجبسة بسم الله ما شاء الله - ياله يا فوليت لفيه -اتفضل يا دكتور الدكتور يدخل مبتسما للغرفة ...... الدكتور : ياساتر يا مسهل يارب اسكندر يدخل من باب الشقة فيجد ريحان ساندا على الترابيزة وقلقان ...... اسكندر : عمو ريحان بابا باعت لك العكازين دول كانوا بتوعوا - واول ما جبهم مباش يمشى خالص - وبيقولك عقبالك ريحان يمسك العكازين ويضعهم بين يده ويسند عليهم ...... ريحان : شكرا يا شريف يا بنى ربنا يكرمك انت وابوك اسكندر : انت ليه يا عمو مش مصدق ان اسمى اسكندر ريحان : لا يا بنى مصدق وكمان فاكر ابوك ميخائيل حبيبى بس بالمرة وانا فاكر كده وانت نازل تصلى المغرب ابقى انده لى ننزل نصلى سوا فى الجامع يستغرب بشدة ويخرج من الشقة ...... اسكندر : لا يا عمو انا هصلى فى البيت مش هقدر انزل الدكتور يخرج من غرفة وردة ...... الدكتور : الف مبروك يا حج محسن- جالك - جالك- جالك - ثانية واحدة وارجع لك ثما يعود لغرفة وردة ...... الدكتور : اه - الف مبروك يا حج توفيق جالك ولد - ولد - ايوه انا سالتهم جوه قالوا لى ولد - الحمد لله يارب انك رزقتنى بالولدالف حمد وشكر لك يا رب مستغرب لكلام الدكتور وفرحتة وينظر باستغراب ...... ريحان : انت فرحان بالواد كده لية هو يقرب لك ولا اية الدكتور : يا حج على شايفك تعبان بدعى بدالك - وافرح بدالك - يا له بقى فين حسنتنا يا بو الولد ريحان : يا عم الدكتور انا بقى لى ساعتين سامع صوت الطفل بيعيط المهم وردة - وردة - عاملة اية ينظر له مستغرب ...... الدكتور : وردة عاملة اية - اه وردة - لا والله انا من شريط بتونس بيك مش متابعها معلش ريحان ينظر الى فلة وفوليت ...... ريحان : يا حاجة جوليت ولا اسمك اية يا ام الواد اللى خيلنى بره ده طب يا حماتى وردة مالها مبتتكلمش لية فلة : ونبى يا خويا قلت لدكتور الندامة ده وسالته قالى الحمد لله طالما الواد بخير يبقى بالدنيا وما فيها ريحان يتعجب من الرد ...... ريحان : يا دكتور اللى نايمة ده مراتى بقى لها ساعتين نايمة كده الدكتور : ايوه فاهمك ومقدر الظروف وعشان كده موطى صوتى اهه متخافش مش هتصحى ريحان : يا دكتور افهمنى وردة - وردة مالها طمنى الدكتور : والله انا مش راضى اصارحك وردة معرفش عنها حاجة انما لو اليسا عنية ليك اصلى بموت فيها ريحان : يا عم موت ولا اتحرق انا بسالك مراتى اللى نايمة ده وولدت مالها شكلها تعبان اوى الدكتور : اه فهمت - مراتك شكلها تعبان طب يا عم ما تجيب لها دكتور حلاوة الواد على الاقل ولا انت بخيل فلة تنظر الى ريحان والى فوليت والى وردة ...... فلة : امال يا بنى لما نجيب دكتور انت لزمتك ايه مش البعيد دكتور ينظر لهم مبتسما كا عادتة ...... الدكتور : ايوة دكتور طبعا واتحدى اى دكتور يعرف يغسل اى جتة قدى انا بعون الله دكتور حانوتى بس اية -- نمبر ون -- وده البزنس كارت بتاعى -- اسعد حانوتى الدكتور فلة تنهض من على الكرسى ....... فلة : يا خبر اسود حانوتى جايب لى حانوتى يا ريحان مستعجل علية وعلى بنتى ريحان يتحرك للحانوتى ...... ريحان : الله يخرب بيتك ايه اللى جابك هنا الحانوتى : اهه فى واد جانى المحل قالى فى ست بتموت فوق اتحركت على طول اصل الرزق يحب الخفية فلة : اه يبقى الواد اسكندر ابنك يا ست فوليت -- فين بقيت 20 جنية ريحان : المهم وردة نعمل ايه فيها نطمن ازاى عليها صوت من خارج الغرفة ....... الصوت : السلام عليكم يا اهل الدار فين المدام اللى بتولد فوليت : ده الدكتور -- اتفضل يا دكتور اتفضل هنا الدكتور يتجة للغرفة ويدخل ...... الدكتور : يا ساتر -- يا مسهل بسم الله توكلنا على الله ثما ينظر فيجد الحانوتى فيمد يده له ويسلم علية ......: الدكتور : اسعد اية اخبارك فينك فلة : انت تعرفة يا دكتور انت تعرف الاشكال ده -- ده حانوتى -- تعرفه الدكتور : ايوة طبعا عز المعرفة -- انا اى مكان اروح فى يجى بعدى هو على طول فلة : يا خبر اسود يعنى ايه بنتى هتموت الدكتور : قولى يارب بس فلة : اقول يارب بنتى تموت ان شاء الله انت وحانوتى الغبرة ده يا بعيد الدكتور : يا ستى قولى ربنا يسهل الست كويسة بس مغم عليها والولادة جت طبيعية والحمد لله مفيش حاجة هى هتفوق دلوقتى الف مبروك ع الطفل وحمدا لله على سلامت المدام -- انا هكتب لكم على شوية حاجات تخليها تمام بس لازم تجبوها بسرعة وانا عملت لكم اخطار الولادة اهه -- اسم الاب / ريحان البستان جميل ----- اسم الام / ورده شمس قمر----- تاريخ الولادة / 25 يناير 2011 بكرة بقى تروح تسجله فى الصحة وتعمل له شهادة الميلاد صحيح انتم هتسموا المولود اية اسكندر يدخل مسرعا للشقة ......... اسكندر : الحقوا شفتوا حصل ايه الجميع ..... : ايه حصل اية ؟؟؟؟ ؟؟؟؟؟