ابو العيال

بقلم ايمن طه ... ابو العيال ركب التاكسى بعد ما كان مقضيها اتوبيسات

مش بس كده ده وقف ادام سوبر ماركت واشترى شوية حاجات

ومسك الموبايل واتكلم براحته اللى كان كبيره رنات

والحزن اللى كان ماليه خلاص بقى ذكريات

والضحكة بقت على وشه تطول بالساعات

شايل علم مصر ماشى بيه فى كل حتة تصوره الكاميرا

واخر اليوم بعد العشا يقعد يركز فى الفضائيات

وحاطط الفلوس فى جيبه وبيصرف ميالش هات

يا بو العيال ايه جرالك ده بج ولا ده حركات

رد عليه بكلمة مصر خيرها كتير بس كان واكله البهوات

وجه يوم الغلبان خلاص هيعيش والفقر هو اللىمات

وولادى ح يكبروا فيها ويخشوا احسن الجامعات

علشان مصر عظيمة مهما تمر بالازمات

والمصرى له مليون قيمة فى العالم مش فى الحسابات

واللى يعيش جواها بعد الصبر يجنى الثمرات

ومحدش هيهرب بفلوسنا ده اسمائهم فى الممنوعات

ابو العيال مشى بالتاكسى وسمعنى احلى السلامات