ميهمناش

بقلم ايمن طه ...لو حتى هتموت بجد ميهمناش
مااحنا ياما مات مننا مشفتناش
لو ناسى العبارة اللى غرقت احنا منسناش
وكمان الطيارة فى المحيط نزلتها والمطار منزلتهاش
والمستشفيات يدخل الغنى يتعالج ويموت ابو بلاش
وشبابنا ماتت وهى بتهاجر وسايبة البلد عشان ممعهاش
وكمان حوادث قطارات لكل الخطوط مسبتلناش
طب الكنايس قبلى وبحرى ولا مبتقراش
طب اقولك دم الشهدا للثورة اللى عددهم معرفناش
ولا اجيب لك اللى حرق نفسه عشان ولاده مبياكلهاش
لو زعلت عشان عملنا كده متزعلش ومتلمناش
انت خيرك مدمرنا ولسه لدينك مسدناش
اسال نفسك بضمير كام سنة خدت منا وليه مدتناش
وقولنا ليه ظلمك طغى علينا ولا عمرك مرحمتناش
صدقنا مش هنزعل عليك بس تلوم نفسك متلومناش