وراح الضنى الغالى

بقلم ايمن طه ....وراح الضنى الغالى ويخبط على بابى مين
وبقيت عايشة لوحدى بعد ما كنا اتنين
طب يا ناس كلمة امى ح يقولها لى مين
فكرت يا ضنايا فى بكرة طب انت دلوقتى فين
سامحنى على غدر جالك سددت بيه الدين
يارتنى رحت بدالك وفى قلبى جت الرصاصتين
ليه اسيتى عليه يا دنيا  ده انا دمعى خلص م العين
ومباش غير صورتك جانبى يا ضنايا يا اغلى الغالين
وهعيش بالحزن فى قلبى شيلاه طول السنين
ومعادنا خلاص فى الجنة وصبرنى يارب يا مبشر الصابرين
وراح الضنى الغالى ويخبط على بابى مين